Sdaiefk

Brent Berlin ya iku ahli antropologi saka Texas, Amérikah Sarékat, kalahiran taun 1936^[1]. Berlin njupuk kuliah sarjana (BA) ing Universitas Oklahoma taun 1959. Sabanjuré kuliah pasca sarjana (MA) ing Universitas Standford taun 1960. Dhèwèké uga olèh gelar doktor (Ph.D) ing pawiyatan luhur kang padha taun 1964^[1]. Berlin naté nglakoni panilitian lapangan (field work) antarané ing Chiapas Mèksiko (1960-1966), Aguaruna Jivaro, Peru (1970), lan Tzeltal, Tzotzil Maya, Meksiko (1980). Berlin uga naté nliti bareng karo Paul Kay^[2]. Berlin akéh nulis karya-karya tulisan ilmiah, ing antarané kang wis diterbitké ya iku Tzeltal Numeral Classifiers: A Study in Ethnographic Semantics (1968), Basic Color Terms: Their Universality and Evolution (1969), Principles of Tzeltal Plant Classification; An Introduction to the Botanical Ethnography of a Mayan-Speaking People of Highland Chiapas (1974), lan Ethnobiological Classification (1992)^[1]. Ing ranah antropologi Berlin iki duwé pandhangan ing bab ètnosemantik logika panlitiané kang kapisan. Uga Berlin nliti sistem klasifikasi nomor ing bebrayan Maya. Berlin duwé pisumbangan ing bab antropologi biologi amarga dhèwèké wis nliti lan karenan ing kosatembung ètnobiologi tinimbang kajian téoritis lan èmpiris^[1].

Rujukan[besut | besut sumber]

1. ↑ ^{a b c d} Amit, Vered, (ed) (2004). Biographical dictionary of social and cultural anthropology. London: Routledge. kk. 65–67. ISBN 020364459X. OCLC 436848672. 
2. ↑ Gérald., Gaillard, (2004). The Routledge dictionary of anthropologists. London: Routledge. k. 342. ISBN 020349900X. OCLC 56606384.