Sdaiefk

Краси́нькӧв — Перем ладорись Коми кытшын, Кӧсладор районісь Чадзӧв посадмуын отиртöм грезд (деревня).

Ним йылісь[мöдкодьсьöтны | править код]

География[мöдкодьсьöтны | править код]

Красинькöвыс сулалö Берегшор веськыт вадöрын, Гортлудсянь ойвыв-рытвылö километра ылынаын, Чадзöв посадсянь лунвыв-асыввылын куим километра ылынаын.

Берегшорыс усьö Кыдзыс вылö, кöдö Берегшор уссёланьын шуöны Ме́льник, мыля кöркö татöн вöлі мельнича.

Красинькöвсянь асыввылö куйлöны ыббез да видззез. Видззезісь тöдöны сэтшöм ниммесö:

• Васяви́дз
• Кöчгуа́
• Пашӧ́вскöй
• Семянӧ́вскöй
• Чуньтöм йӧ́рувт

Ыббез вöлісö 150 га пасьтаöсь, öні нія турунсялöмась да вöрсялöмась:

• Болбана́ (8-10 га пасьта, öні вöрсялöм)
• Госпо́дскöй ыб (Бачманланьын)
• Мöслагрива́ (нюр шöрын ыб, кытчö ветлывлöмась ягöдавны)
• Ниртча́н ыб (деревня бокöттяс)

Вöррез:

• Пашӧ́скöй яг (сэтчин вöрисьлöн туй, повзьöтчö)
• Семянӧ́вскöй яг (Чадзöв ладорö кö мунан)

Мыссез:

• Абрам Се́ня мыс
• Манасты́рскöй мыс
• Нови́на мыс (Красинькöв да Гортлуд коласын, сэтчин повзьöтчö)
• Палале́скöй мыс

Логгез:

• Дёмало́г (Красинькöвсянь Чадзöвлань мунікö Кыдзыс вуджанінын, сэтöн олöма Черепанов, кöда видзöма сов).

Нюррез куйлöны деревнясянь рытвылас:

• Ыджытню́р

Янсалöм[мöдкодьсьöтны | править код]

Туйез[мöдкодьсьöтны | править код]

Öні Красинькöвын лыддьöны токö öтік туй ^[1]:

История[мöдкодьсьöтны | править код]

Красинькöв дорын вöлöма важ чучкöй шойна. 1886' восянь татöн пондöмась гöрикö адззавны муись лыэз, кöртовöй ральниккез, шаманитанторрез.

1858' вося ревизия дырни Красинькöвсö абу на казьтыштöмась, натьтö грездыс татöн аркмис сёрöнжык. 1884'-1889' годдэзö деревняын вöлі 14 кöзяйство. 11-ыс сэк вузавлöмась нянь, кватя вузавлöмась пода. Отирыс ветлывлöмась кылöтны вöр, вöравлöмась да чериавлöмась. Грездын вöлöма мельнича.

1909' во кежö горттэз лоöмась 18-а, олöмась 128 морт.

Красинькöвыс перво вöлöма Юксьӧв волосьын, 1924' восянь пырö Чадзӧв сельсоветö.

1926' вося гижöтöм дырни татöн олöмась 159 морт (30 горт).

1929' сентяб кежö Красинькöвö лöсьöтöны му-видз уджалан артель, кытчö пырöмась 13 горт, 60 няньсёйись.

Сэсся Красиньковись, Гортлудісь да Тылавылісь кöзяйствоэсö öтлаöтöны "Комсомол" колхозö. Этійö колхозсö 1957' годö пыртöны ыджытжык колхозö "Путь Ильича", кытöн лоисö сідзжö кöзяйствоэз Бачманöвись ("Ленин" колхоз) да Чоййылісь и Пыдöсісь ("Путь Иллича" жö шусьöма). 1960' годö колхоззэз бöра гырисьмöтöны, "Путь Илличаö" пыртöны "Краснöй Звезда" колхозісь деревняэз (Чадзӧв, Поддячӧв, Карчой, Пеклаыб, Котша), но 1966' годö ни гырисьмöтöм "Путь Илличаись" Бачманöв ладорыс петö, "Искра" колхоз аркмöтікö. Этія колхозыс 1968' годö лоö Бачманöвскöй отделеннёöн Кӧсинскöй совхозын, а 1971' восянь Чадзӧвскӧй совхозлöн Бачманöвскöй отделеннёöн.

1956' годö Красинькöвын олöмась 141 морт, видзöмась 30 горт. Татöн вöлі колхозісь доранін, няньпöжалан, МТФ, СТФ, ПТФ.

1959' вося гижöтöм дырни грездын 93 морт ни кольöма, горттэз чинöмась 22-öдз, строеннёэз вöлісö 19-а.

1971' годö Карасинькöвись адззöмась дзир 20 кöзяйство, уджалöма райпосянь магазин.

2007' во пондöтчикö Красинькöвын олöмась токö куим пöрись морт (2 горт).

2010' ародзын деревняись нуöтöмась медбöрья олісьöс. Кольччöмась сулавны дас прос керку.

Веськöтлан[мöдкодьсьöтны | править код]

Ӧні, 2007' во пондöтчансянь, Красинькӧвыс пырӧ Чадзӧв посадмуӧ.

Отир[мöдкодьсьöтны | править код]

Олöмась Красинькöвас краси́нькöвчи (öтік морт краси́нькöвеч, краси́нькöвка, тöдчöтним - краси́нькöвскöй). Отирыс вöлöмась комиöсь, баитöмась комиöн.

Гумагаэз сьöрті 2009' во пондöтчикö Красинькӧвын олöмась куим морт, кöдна видзöмась кык горт. 2010' сентяб 18' лунö деревняись мунöма медбöрья олісьыс, Кучева Анна Филипповна (*1929). Красинькӧвыс öні отиртöм.

Красинькöвын важ оліссез вöлісö Кучеввез. Олöмась сідзжö Мининнэз да Чӧдоввез.

Увтыррезись тöдöны токö Мош рöд.

Ниммез: Опонь Паша, Настасика баб, Паша Анна, Куш Митипер...

Кöзяйство да быт[мöдкодьсьöтны | править код]

Коркö Красинькöвын вöлі колхозлöн бригада, сылöн бригаддом. Видзöмась ферма, вöв двор (сэсся кайöтöмась Бачманöвö).

Отирыс йылöтöмась мӧссэз да куканнез, баляэз, порссез, курӧггез.

Мельница весьтын вöлöма магазин.

Велöтан[мöдкодьсьöтны | править код]

Красинькöвын одзжык вöлі ясли. Велöтчынытö челядьыс ветлöмась Бачманöвö, кытöн вöлöма интернат.

Культура[мöдкодьсьöтны | править код]

Кöркö Красинькöвын вöлöма клуб.

Порйöтлöмась

• Гаврил лун (юль 26' лун)
• Ёгорей (май 6' лун, декаб 9' лун)

Казьмöтаннэз да сингажöтаннэз[мöдкодьсьöтны | править код]

Красинькöвын вöлі часовенка шойна дорын.

Ордча ландшафттэз[мöдкодьсьöтны | править код]

Лыддьöтан[мöдкодьсьöтны | править код]

• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Коми-Пермяцкий национальный округ. Москва-Ленинград, 1948.
• Мартынов М. Е. Селения Косинского района. Справочно-статистический материал. Кудымкар, 2009. ISBN 978-5-87901-127-2
• Шаги времени. К 80-летию образования Косинского района / редактор-составитель О. П. Кучева. Пермь, 2004. ISBN 5-93683-030-X.

Ыстісяннэз[мöдкодьсьöтны | править код]

1. ↑ Вот öктіссез сайтісь