Tumba de sos ziganteslaf લીnVv
Articulu in nugoresu
Sas tùmbas o lòsas de sos gigàntes sunt monumentos funeràrios de interru colletivu frabicados in epoca nuraghesa e presentes peri totu s'ìsula de Sardigna.
Che a sos nuraghes, custas costrutziones megalìticas non tenent egualdade in su continente europeu intreu e sunt fatos a pranta retangulare cun losas de pedra manna posta a terra.
Istruttura[modìfica | modìfica su còdighe de orìgine]
Sas tumbas sunt unu aposentu mortuàriu chi est intra de unos 5 e 15 metros de larghesa e unu o duos metros de artària. Sa parte in cara de s'istrutura nche dda inserrant a intro de un'ispètzia de semitzìrculu, chi fìnghet sos corros de unu trau, e una losa prus anticg in su tzentru de custu semitzìrculu cun d-una abertura prus minore meda, pro mèdiu de su cale si intraiat.
Impare a s'abertura bi aìat unu betile chi, fòrtzis, simbuligiaiat a dèos o a sos mannos antigos chi fint a bàrdia de sos mortos.
Funtzione[modìfica | modìfica su còdighe de orìgine]
Sas tumbas de sos gigantes fiant logos a in ue, in epoca nuraghesa, sos sardos interraiant a sos mortos issoro. Fiant a largu dae su tzentru populadu e podìant mantenner intra de sos chèntu e treschentos mortos.
Sos chi faghiant parte de sa tribù, clan o bidda, andaiant a in cue a aporrire omàju a sos mortos de sa comunidade, chena de distintziòne de classe o privilégiu de sorta perunu. Podet esser, chi sos mortos fiant iscarrados, est a narrer chi ddis bogaiant sa carre a in antis de s'interru (b'at evidèntzia in sos ossos, chi cunsigiant a custa teoria), e fiant interrados cando su nùmeru cumintzaiat a èsser tropu mannu.