Sdaiefk

Kronologiezh vloaziek evit Breizh

2004 e Breizh - 2005 e Breizh - 2006 e Breizh

2005 e Breizh

Genver - C'hwevrer - Meurzh - Ebrel - Mae - Mezheven

Gouere - Eost - Gwengolo - Here - Du - Kerzu

Sadorn 5 Du[kemmañ | kemmañ ar vammenn]

• Krouidigezh, e Karaez, ar gevredigezh Divskouarn zo he fal kas war-raok implij ar brezhoneg e-touez ar vugale yaouankañ er-maez eus ar skol. Harpañ diorren ar raktresoù magourioù ha kreizennoù-dudi brezhonek eo mennet d'ober. Prezidant, Yannig Robin rener magouri Gouenoù, besprezidant Erwan Denez rener kreizenn-dudi An Oaled, sekretourez Izabel Thomas ha teñzorer Yannig Bigouin eus ekomirdi Plougerne.
• Digoret Asizoù Tiriadoù Breizh e Sant-Brieg diwar atiz Jean-Yves an Drian . Fellout a ra d'ar c'huzul-rannvro sinañ kevratoù enno palioù diorren gant broioù Voynet Breizh. 220 milion a euroioù zo da vezañ ingalet gant ar rannvro etre 21 bro Breizh velestradurel.

Sul 6 Du[kemmañ | kemmañ ar vammenn]

• Aotreet eo ar Prezidant Jean-Yves an Drian gant Bodad-pad Kuzul-rannvro Breizh da sinañ un c'henemglev gant Diwan evit ar maread 2005 - 2008.

Yaou 17 Du[kemmañ | kemmañ ar vammenn]

• Manifestiñ a ra un dek den bennak e Ruvenieg e reter ar Mor-Bihan a-enep d'ar panellerezh divyezhek war an hentoù-departamant. Kaset eo an taol da benn gant an aotrou Joseph Orhan, bet maer Monteneg, ha bet savet gantañ an AOSB (Association de Protestation contre la Signalisation Bilingue). Harpet eo ar gevredigezh gant Françoise Morvan anavezet evit he skridoù a-enep d'ar brezhoneg ha d'an Emsav. War zigarez emañ Ruvenieg e Bro-C'halloù ne vije ket ar gwir da lakat panelloù divyezhek eno. Sevel a ra ar gevredigezh a-enep an divyezhegezh e Breizh-Izel ivez. Skrivet eo bet ganto da holl vaered Breizh-Uhel evit goulenn outo nac'hañ ma vefe staliet panelloù divyezhek war o c'humun. 12 kumun diwar ar 130 zo e reter ar Mor-Bihan a vije savet a-du ganto.

Meurzh 22 Du[kemmañ | kemmañ ar vammenn]

• Displeget eo war karta sevended porched Internet Wanadoo, an embregerezh telekom publik, ez eo ar brezhoneg ur patois hag ez eo diseven implijout anezhañ evit flapiñ war ar foromoù kinniget. Kregiñ a ra ar stourm d'en em aozañ evit dizarbenn seurt droukziforc'h. Galvet eo ar Vretoned da voikotiñ Wanadoo ha broudet e vezont da embann o displijadur dre bostel d'an embregerezh pellgehentiñ.

Merc'her 23 Du[kemmañ | kemmañ ar vammenn]

• Lid 20^vet deiz-ha-bloaz Emglev Bro an Oriant, ur gengevredigezh a gas war-raok sevenadur Breizh hag implij ar brezhoneg e bro an Oriant. Ivonig ar Merdi eo ar brezidantez.

Sadorn 26 Du[kemmañ | kemmañ ar vammenn]

• Prezegenn-gelaouiñ e Baiona ma ouestl ar strollad euskarat Demo hag ar strollad breizhat Ai 'ta ! o c'hoant kenlabourat en amzer da zont evit ma vo ofisielaet an euskareg hag ar brezhoneg.

Merc'her 30 Du[kemmañ | kemmañ ar vammenn]

• Goude eizh devezh stourm eo bet tennet ar frazennoù dismegañsus a-enep ar brezhoneg a-ziwar karta sevended Wanadoo. Derc'hel a ra an embregerezh da c'houlenn e vefe kenskrivet e galleg avat, yezh lakaet da vezañ ofisiel gantañ war ar foromoù, nemet e vije komzet diwar-benn un danvez ispisial a denn d'ar yezhoù, sed a rofe tu da implijout ur yezh all.