Kapell Cité Léon Kauffmand Ec Dsri IiXhöt
| ||||
|---|---|---|---|---|
 | ||||
| Uertschaft / Plaz | Zolwer | |||
| Par | Zolwer | |||
| Dekanat | Esch-Uelzecht | |||
| Numm / Patréiner | Hl. Léon | |||
| Konsekratioun | 1962 | |||
| Koordinaten | 49° 31’ 07.2’’ N 05° 55’ 0.2’’ O | |||
 | ||||
| Kierchen - Kapellen | ||||
D'Kapell vun der Cité Léon Kauffman ass eng kathoulesch Kapell déi zur Par Zolwer, zum Parverband Suessem, zu der Pastoralregioun Süden, zum Dekanat Esch-Uelzecht an zu der Gemeng Suessem gehéiert. Responsabel ass de Paschtouer Lubomir Fabcin vu Bieles.
De Patréiner ass den hellege Léon deem säi Fest den 10. November gefeiert gëtt.
Se steet an der Cité Léon Kauffman (am Zolwer Deel) op der Kräizung vun der rue Léon Kauffman mat der rue Pierre Neiertz.
Zur Par Zolwer gehéiert ausser der Kapell vun der Cité Léon Kauffman och nach d'Parkierch vun Zolwer.
Geschicht[änneren | Quelltext änneren]
Ufanks den 1960er Joren ass duerch de Bau vun der Cité Léon Kauffman d'Noutwendegkeet entstanen, kuerzfristeg eng Kierch fir déi nei Cité ze bauen. Op Initiativ vum Bob Frommes, dem Direkter vun der "Société nationale des habitations à bon marché" (SNHBM), ass dunn an engem Garagentrakt an der rue Pierre Neiertz, deen aus aacht net ënnerdeelte Garage bestanen huet, eng provisoresch Kapell entstanen - dëse Provisorium besteet nach haut.
D'Gebai gouf renovéiert an niewendrun ass aus Grey-Träger, déi gratis vun der Firma Hadir zur Verfügung gestallt goufen, en oppene Klackentuerm gebaut ginn, an deem zwou Klacken hänken. Vun der Hadir koumen och nach e puer Géigestänn fir d'Bannenariichtung, déi weider Ariichtung ass vun der Kierchefabréck vun Zolwer finanzéiert ginn.
Den 2. September 1962 ass d'Kapell vum deemolege Bëschof-Koadjutor Jean Hengen an a Presenz vum deemolege Staatsminister Pierre Werner ageweit ginn.
Kuckt och[änneren | Quelltext änneren]
- Lëscht vu reliéise Gebaier zu Lëtzebuerg
- Lëscht vun de Lëtzebuerger Paren
- Lëscht vun de fréiere Lëtzebuerger Paren
Um Spaweck[änneren | Quelltext änneren]
| Commons: Kapell Cité Léon Kauffman – Biller, Videoen oder Audiodateien |
- Websäit vum Parverband Suessem
- D'Kapell op der Websäit vum Parverband Suessem