Sdaiefk

Xosé Ramón Barreiro
Nacemento	2 de decembro de 1936
	Ribeira
Nacionalidade	España
Xéneros	Ensaio
Estudos	Dereito, Filosofía e Letras
[ editar datos en Wikidata ]
v c e

Xosé Ramón Barreiro Fernández, nado en Ribeira o 2 de decembro de 1936, é un historiador galego e foi o presidente da Real Academia Galega entre 2001 e 2009.

Traxectoria[editar | editar a fonte]

Licenciouse e doutorouse en Dereito Canónico pola Universidade Gregoriana de Roma. En 1974 obtivo a licenciatura en Filosofía e Letras, con premio extraordinario. Doutorouse en Historia pola Universidade de Santiago de Compostela coa tese O campesino galego no século XIX: economía e sociedade e é catedrático de Historia Contemporánea de Galicia na mesma universidade. Foi decano da Facultade de Xeografía e Historia. Desde o 20 de decembro de 2001 até o 23 de xaneiro de 2010 foi presidente da Real Academia Galega, substituíndo a Francisco Fernández del Riego.^[1]

Real Academia Galega

Entre as súas achegas ao campo xurídico destacan, entre outras, El origen litúrgico del Derecho Canónico ou La estabilidad del beneficio mentres que a súa obra histórica repártese en numerosos libros e estudos. Barreiro Fernández participou en diversos congresos nacionais e internacionais, dirixindo os organizados sobre Estudos Xacobeos (1970), Rosalía de Castro (1985) e Otero Pedrayo (1988).

Os seus traballos de investigación céntranse sobre todo na historia contemporánea de Galiza e están recollidos en artigos e obras publicadas en castelán e en galego. Destacan: El carlismo gallego (1976), Historia Contemporánea de Galicia (1981), obra pola que recibiu o Premio da Crítica 1982, La imprenta en Galicia (1982), Historia de la imprenta en Galicia (1990) ou os catro volumes dedicados ós séculos XIX e XX que publicou dentro do proxecto editorial Galicia (1991).

Recoñecementos[editar | editar a fonte]

Ademais do Premio da Crítica co que foi galardoado en 1982, Barreiro Fernández recibiu o Premio Televisión Española en Galicia (1988). É membro do Instituto de Estudios Galegos Padre Sarmiento, do Centro de Estudios Xacobeos, do Instituto José Cornide, do Seminario de Estudios Galegos e do Consello da Cultura Galega.

Obra en galego[editar | editar a fonte]

Ensaio[editar | editar a fonte]

• 1970: A parroquia hoxe (Galaxia).
• 1981: Historia de Galicia IV. A Idade Contemporánea (Galaxia).
• 1998 - 2002: Historia da Universidade de Santiago de Compostela (Universidade de Santiago de Compostela).
• 2004: A Casa grande do Pozo (Fundación Caixa Galicia).
• 2009: Historia social da Guerra da Independencia en Galicia (Xerais).
• 2012: Murguía (Galaxia).

Obras colectivas[editar | editar a fonte]

• 1990: O movemento obreiro en Galicia: catro ensaios (Edicións Xerais).
• 2000: Instantes dunha vida: Manuel Murguía, Día das Letras Galegas, Arteixo 2000, un nome, un pobo, unha data (Concello de Arteixo). Con Felipe Senén e Henrique Rabuñal.
• 2000: Manuel Murguía (con Xosé Luís Axeitos, La Voz de Galicia).
• 2005: Cartas a Murguía (Fundación Pedro Barrié de la Maza).
• 2005: O Tratado da Constitución europea: visións desde Galiza (Baía Edicións).
• 2006: Manuel Lugrís Freire, o compromiso (con Xosé Luís Axeitos, La Voz de Galicia).
• 2007: A gran historia de Galicia (coordinador, La Voz de Galicia).
• 2007: Os símbolos de Galicia (Consello da Cultura Galega e Real Academia Galega). Edición con Xosé Luís Axeitos e Ramón Villares.
• 2011: Á beira de Beiras. Homenaxe nacional (Galaxia).
• 2016: Arredor das Irmandades da Fala (Xerais).

Obra en castelán[editar | editar a fonte]

Ensaio[editar | editar a fonte]

• 1968: El trabajo manual del clero, con Juan José Cebrián Franco e Rafael Silva Costoyas, Porto y Cía. Editores.
• 1976: Barreiro; Díaz-Fierros; Fabra et al., Los gallegos (Madrid, Istmo).
• 1976: El carlismo gallego (Pico Sacro; reeditado e revisado en 2008 e publicado en galego como O carlismo galego, en Laiovento).
• 1977: El levantamiento de 1846 y el nacimiento del galleguismo (Pico Sacro).
• 1980: El campesinado gallego en el siglo XIX. Economía y sociedad (Universidade de Santiago de Compostela).
• 1982: Temática gallega. Historia política. Siglos XIX-XX, 4 t. (A Coruña, Gamma).
• 1982: Liberales y absolutistas en Galicia (1808-1833) (Edicións Xerais).
• 1986: Historia de la ciudad de La Coruña (La Voz de Galicia).
• AA.VV. (1991). Historia de Galicia (en castelán). Faro de Vigo. ISBN 84-404-9520-X. .
• 1992: Historia de la imprenta en Galicia (con Antonio Odriozola, La Voz de Galicia).
• 1996: Galicia, pórtico de la gloria: las rías y sus puertos, (Edlesa, con varios autores). Traducido a inglés, francés e alemán.
• 2001: La central térmica de Meirama y su entorno (Unión Fenosa).
• 2003: Parlamentarios de Galicia: biografías de deputados e senadores (1810-2003), (coordinador, Parlamento de Galicia).

Obras en homenaxe á súa figura[editar | editar a fonte]

• 2008: A patria enteira: homenaxe a Xosé Ramón Barreiro Fernández (Consello da Cultura Galega, Universidade de Santiago de Compostela e Real Academia Galega). Editores: Xosé Luís Axeitos, Emilio Grandío e Ramón Villares.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

• Barrera, F., ed. (2002). "Barreiro Fernández, Xosé Ramón". Gallegos. Quién es quien en la Galicia del siglo XXI (en castelán). El Correo Gallego. p. 56-57. ISBN 84-8064-113-4. 

Ligazóns externas[editar | editar a fonte]

• Entrevista a Barreiro en Galicia Hoxe (23-08-2009)arquivada dende o orixinal o 29 de xuño de 2013.