Sdaiefk

Ech simbole à ch'Parti Nacionnal Fachisse, in italien : Partito Nazionale Fascista.

Ech fachime o faschime (d'echl'italien fascismo qui vient d’fascio, un foaicieu), ch'est unne idiologie politike pi unne foaichon d'gouverner qui s'caractériztte per echl'autoritarime, el conchintracion d'ches povoérs inte ches mans d'un seu onme, un nacionnalime estrémisse avuc souvint unne agressivitè conte ches eutrés nacions (qui put mner à l'dgère) et donc un militarime fort. Ech fachime, dsous s'fourme italienne invintèe dins ches ainnèes 1920 in Italie, i s'caractérise étou per un anti-conmunnime (ech fachime ch'est minme istorikmint unne réaccion violinte conte el montèe d'ech conmunnime in Italie aprés l'Prumière Djérre mondiale. Ches politike fachisses, is font souvint unne organnisacion économike erjétant ch'libéralime pi faveurisant ch'corporatime (ches corporacions d'métiers).

Ech régime fachisse ech pus connu ch'est ch'prunmier, chti-lo à Benito Mussolini in Italie inte 1922 pi 1944. Adolf Hitler il o 'tè granmint inspirè pèr Mussolini por fonder sin idiologie : ch'nazime. Moais unne grande difrinche inte ech nazime pi ch'fachime, ch'est qu'ech nazime ch'est unne idiologie antisémite, ech fachime nin.

Estinsion[éditer | modifier ech wikicode]

Per estinsion, os lonme souvint, dins lingache populoaire, fachime toute tindanche autoritoaire o dictaturiale, moais étou ches régimes qui rsanntte à ches siens à Benito Mussolini pi Adolf Hitler, minme si qu'por Hitler ch'étoét ch'nazime, unne idiologie prés d'ech fachime pi qu'i s'in o inspirè.