Ռազմական և աշխատանքային սխրանքի թանգարանc etatWwjoste2 eobtñwaCcw o1 oor os
Ռազմական և աշխատանքային սխրանքի թանգարան | |
|---|---|
 | |
| Տեսակ | թանգարան և տեսարժանություն |
| Երկիր |  Ռուսաստան |
| Տեղագրություն | Սարանսկ |
| Վայր | Մորդովիա |
| Հիմնադրված է | մայիսի 6, 1995 |
| Կոորդինատներ: 54°10′49.40″ հս․ լ. 45°11′1.82″ ավ. ե. / 54.1803889° հս․. լ. 45.1838389° ավ. ե. | |
| Կայք | patriotrm.clan.su |
1941-1945 թթ. ռազմական և աշխատանքային սխրանքի հիշատակի թանգարան (ռուս.՝ Мемориа́льный музе́й вое́нного и трудово́го по́двига 1941-1945 годо́в), թանգարան Մորդովիայի հանրապետության Սարանսկ քաղաքում: Այն Հաղթանակի հրապարակում գտնվող ռազմական փառքի հուշահամալիրի մի մասն է:
Բովանդակություն
- 1 Պատմություն
- 2 Ա. Ի. Պոլեժաևի թանգարան- մասնաճյուղ
- 3 Գրականություն
- 4 Ծանոթագրություններ
Պատմություն[խմբագրել | խմբագրել կոդը]
Թանգարանը բացվել է 1995 թվականի մայիսի 6-ին, հիմնադիր-տնօրենն է եղել Ալեքսեյ Միխայլովիչ Մամաևը: Թանգարանի շենքը ստեղծվել է ճարտարապետներ Ա. Կոստինի և Ռ. Կանանինի նախագծով: Թանգարանի ուրվագիծը հիշեցնում է Մորդովիայի սահմանները: Կտուրի ծածկը նմանեցվել է կոկոշնիկի: Արտաքին ձևավորման համար օգտագործվել են գրանիտե սալեր՝ սև և նարնջագույն գույների շերտերով `(Գեորգևյան ժապավենի գույներ)[1]:
2009 թվականին թանգարանի ֆոնդը կազմել է 39 986 միավոր[2]: Դրանք եզակի փաստաթղթեր և լուսանկարներ են, մարտիկների անձնական իրեր, զենքեր, ռազմաճակատային նամակներ, մարտերում Մորդովիայի բնիկների ստացած պարգևներ, հռչակավոր զորահրամանատարների արխիվներ: Բացի այդ, թանգարանի ցուցադրությունը ներառում է ռազմական թեմաներով նկարներ և քանդակներ, ինչպես նաև Հայրենական մեծ պատերազմի վերաբերյալ գրքերի մեծ ֆոնդ (ավելի քան 4000 գիրք):
Թանգարանն ունի չորս սրահ՝
- Փառքի սրահ՝ արարողակարգի սրահ, որտեղ կա խճանկարային պաննո՝ նվիրված Հայրենական պատերազմի ճակատում կռվողներին և թիկունքում աշխատողներին:
- «Կրակե ռազմաճակատային ճանապարհներ» սրահ՝ այստեղ է գտնվում թանգարանի հիմնական ցուցադրությունը:
- Զորահրամանատարների սրահ՝ գտնվում է նկուղային հարկում: Այստեղ կարելի է տեսնել Ռուսաստանի վաստակավոր նկարիչ Ի. Վ. Սիդելնիկովի ստեղծած Ռուսաստանի մեծ գեներալների դիմանկարները, ինչպես նաև Հայրենական մեծ պատերազմի հրաձգային զենքերի պանորամային ցուցադրություն:
- «Սերունդների հաջորդականություն» սրահ՝ նվիրված է հետպատերազմյան շրջանի ռազմական ղեկավարներին, Ռուսաստանում և այլ երկրներում զինված հակամարտությունների և տեղական պատերազմների զոհերի հիշատակին (այդ թվում `Աֆղանստանի ռազմա-ինտերնացիոնալիստներին և Չեչնիայում պատերազմի մասնակիցներին), ինչպես նաև վետերանների և երիտասարդական հայրենասիրական կազմակերպությունների գործունեությանը:
Թանգարանի հարևանությամբ բացվել է ռազմական տեխնիկայի ցուցադրություն բաց երկնքի տակ՝ T-54 տանկ, հետևակազորի մարտական մեքենաներ, թնդանոթներ, հաուբից և M-1 զենիթային հրետանի:
Ա. Ի. Պոլեժաևի թանգարան- մասնաճյուղ[խմբագրել | խմբագրել կոդը]
2001 թվականի հունիսի 5-ին Սարանսկում բացվել է Ռազմական և աշխատանքային սխրանքի թանգարանի Ալեքսանդր Պոլեժաևի անվան մասնաճյուղը: Այն գտնվում է Սարանսկի փողոցի թիվ 51 շենքի վերականգնված փայտե տան մեջ, որը 19-րդ դարում պատկանել է վաճառական Միշկինին[3]:
Թանգարանի հարևանությամբ ռազմական ցուցադրություն
Ա. Ի. Պոլեժաևի թանգարան՝ Ռազմական և աշխատանքային սխրանքի թանգարանի մասնաճյուղ
Գրականություն[խմբագրել | խմբագրել կոդը]
- Мемориальный музей военного и трудового подвига 1941-1945 годов: путеводитель / авт.-сост. Л. С. Сандина; под ред. А. А. Мамаева. - Саранск: Изд-во Мордов. ун-та, 2006.
Ծանոթագրություններ[խմբագրել | խմբագրել կոդը]
- ↑ Информация о музее на сайте «Саранск Online»
- ↑ Раздел сайта «Патриоты Мордовии», посвящённый Мемориальному музею военного и трудового подвига 1941-1945 годов. На этом же сайте можно посмотреть галерею снимков внутренних помещений и некоторых экспонатов музея
- ↑ О музее А. И. Полежаева на сайте GIDRM.RU