Yaakov Bentolilaof_Cc 4Ggکلمnstthe۲۵bFladde Vv671ایس_۲٫ 50 H
Yaakov Bentolila (en ivrit עקב בנטולילה) es un filólogo yisraeliano nasido en Tetuan, Marroko. Es profesor de ivrit en la Universita Ben-Gurion en Beer Sheva i myémbro de la Akademia del Idioma Ebreo desde el anyo 2004.
Biografiya[trocar | trocar el manadero]
Bentolila nasió enel anyo 1935 en una famiya sefardi, ijo de Vidal i Mercedes Bentolila. Fue elevo en una eskola de la Aliansa Yisraeli Universala i estudio dempues enel lisé espanyol de Marroko en Tetuan. Enel anyo 1950 se fue a bivir a Fransia, para dempues azer aliya enel enverano del anyo 1951, arrivando al Merkaz Klitá de Yavne, ande bivió asta ke se izo mayor de edad i emprestó servis militar en las Huérsas de Defensa de Israel, en la brigada Nahal.
Los padres de Bentolila izieron aliya enel anyo 1956, endjunto kon sus otros dos ermanos i bivieron dempués del Merkaz Klitá en el kampo de transito de Kiryat Gat, ande el lavorava komo elektrizista, ma enel anyo 1958 le fue propozado lavorar kon el movimento Bnei Akiva, vijitando Marroko, Fransia i el nord de Afrika, ande konosió a la ke iva ser su espoza, una djudia de orijin madjar i en Jenero de 1961 se kazaron en la sivdad de Strasburgo.
Bentolila fue shefe del Departamento de Lingua Ebrea en la Universita Ben-Gurion entre los anyos 1974-75 i 1990-92[1]; endemas lavoró komo investigador enel Sentro para Estudios Djudios de la Universita de Harvard[2] i es un investigador konosido i respektado de Haketia[3]
Ovras[trocar | trocar el manadero]
- Haketia. El Djudeo-Espanyol de Africa del Norte. Los Muestros N°61, Disiembre 2005.
- On the Meaning Of Personal Names in Hakitic Proverbs. Eskrito endjuntamente kon Tamar Alexander.
- La palabra en su hora es oro. Eskrito endjuntamente kon Tamar Alexander
- Le composant hébraïque dans le judéo-espagnol marocain. Judeo-Romance Languages.
Referensias[trocar | trocar el manadero]
- ↑ Yaakov Bentolila. Universita de Yale
- ↑ A Symposium on the History and Culture of North African Jewry. Universita de Yale
- ↑ Haketía: El Djudeo-Espagnol de la Afrika del Nord. Anajnu.cl