کێلەشین (کێل)a Bw X
 | ئەم وتارە بە زۆری یان بە تەواوی پشت بە تەنیا یەک سەرچاوە دەبەستێت. (فێربە کەی و چۆن ئەم داڕێژەیە لابەریت) |
 | ئەم وتارە ھەتیوە، چوونکە تەنیا چەند وتارێک یاخود ھیچ وتارێک نەبەسراوە بێرەوە. تکایە بە زیادکردنی بەستەر لە وتارە پەیوەندیدارەکانەوە یارمەتی بدە. (حوزەیران ٢٠١٧) |
کێلەشین پارچە بەردێکی گەورەیە، کەلەسەری نووسینی جۆری بزماری کە لە زمانی (ئینگلیزی) بە (Rock Art) ناسراوە، نەخشێنراوە. لەسەر کێلەکە چەندین نووسراوی تاییبەتی (سۆمەڕی) ھەن کە باس لە سەرکەوتنەکانیان دەکات بەرامبەر بە دوژمنانی خۆیان. کێلە شینی پێشووی سەر سنووری نێوان وڵاتانی (عێراق، ئێران) کە یەکێکە لە ناوچەکانی (ھۆزی-برادۆست)، گوازرایەوە بۆ (مۆزەخانەی ورمێ) و لەوێدا پارێزراوە. وە ئێستا کیلێکی ھاوشوەی درووستکراو لە مۆزەخانەیەکی شارۆچکەی سیدەکان دانراوە.
دەقی وەرگێردراو[دەستکاری]
دەقی وەرگێردراوی سەر بەردی کێلەشین:
کاتێک "ئیشپوینی" کوڕی "ساردور"
پاشای گەورە، پاشای بەھێز،
پاشای جیھان،
پاشای وڵاتی "نایری"
سەروەری گەورەی شاری "تووشیباشار" و "مەنوا"ی کوڕی،
بۆلای خودای "خالیدی" لە شاری "مووساسیر" و
بۆ ئەم پەرستگە بەرزەی کە بۆ خودای "خالیدی" بینا کرابوو ھاتن،
"ئیشپوینی" کوڕی "ساردور" ئامرازی بە نرخی شەڕ و رەوەی جوانی ھێناون،
"ئیشپوینی" کەل و پەلی مەفرەغی و دەفری مەفرەغی ھێناون.
"ئیشپوینی "رەوەی زۆری ھێناون،
ھەمووی ئەم دیارییانەی دووبارە بۆ پەرستگە داناون.
"ئیشپوینی" تەواوی ئەم دیارییانەی لە بەرامبەر دوازدە "خالیدی"
بۆ بەردەوامی ژیانی خۆی، پێشکەش بە خودای "خالیدی" دەکا...
"ئیشپوینی" بە نیشانەی خێر، 1112 مانگا،
9120 مەڕ و بزنی قەڵەو و
12480 بزنی قەڵەوی بۆ بەخشین ھێناوە.
کاتێک "ئیشپوینی" کوڕی "ساردور"
پاشای گەورە، پاشای بەھێز،
پاشای جیھان،
پاشای وڵاتی "نایری"
سەروەری گەورەی شاری "تووشیباشار" لە بەر خودای "خالیدی" پاڕایەوە،
بۆ بەزەیی خودای "خالیدی"
ئەم...
دواتر "ئیشپوینی" ئەم ئاژەڵ و کەلوپەلانەی لە رێگای دەروازەکانی پرستگەی خودای "خالیدی" دانا.
لە "مووساسیر"، پاسەوانەکان رەوەکانیان بەردابوون یان لە پاراستنیان کۆتاییان کردبوو،
لە بەر دەرگای خودای "خالیدی" دزیان و فرۆشتیان.
ئەوەیکە لەم کاتەدا کە "ئیشپوینی" کوڕی "ساردور" و "منوا" کوڕی "ئیشپوینی" بۆ پاڕانەوە ھاتنە شاری "مووساسیر"
رەوەیەکیان پێشکەش بە خودای "خالیدی" کردو ئاوایان گوت:
ھەر کەس ئەو رەوانە لە بەر دەرگای خودای "خالیدی" بدزێ، ھەر کەس ببێنێ کە دەیاندزن و خۆیان لە تاریکیدا ون دەکەن،
ھەرکەس کە لە ناو شاری "مووساسیر" دەژی و دەبیسێ کە ئەو رەوانە لە بەر دەرگای خودای "خالیدی" دەدزرێن و لەگەڵ خۆیانیان دەبەن و پێی ناڕەحەت نابێ، خودای "خالیدی" ھیچ بەزەییەکی بۆ ئەو کەسانە نییە و وەچەی لە سەر زەوی ھەڵدەگرێ.
ھەر کەس ئەم نووسراوەیە لێرە ھەڵگرێ، ھەرکەس ئەم نووسراوەیە بشکێنێ، ھەرکەس کە بە کەسێکی تر بڵێ: بچو ئەم نووسراوەیە بشکێنە، تەواوی خوداکانی شاری "مووساسیر"، خودای "خالیدی"، خودای "ھەوا" و خودای "ھەتاو" وەچەی لە سەر زەوی ناھێڵن.
بەستەرەکان[دەستکاری]
- برادۆست
- سیدەکان
سەرچاوە[دەستکاری]
کتێبی مێژوویی تایبەت بە (عەشیرەتی برادۆست)
 | ئەم وتار ھیچ پۆلێکی لەخۆ نەگرتووە. تکایە یارمەتی بدە بە زیادکردنی پۆلێک بۆ ئەوەی پێڕست بکرێت لەگەڵ وتار لێکچووەکان. (نیسان ٢٠١٧) |