Sdaiefk

Tony Prabowo (lair ing Kutha Malang, Jawi Wétan, 1956) ya iku salah sijiné juru musik saka Kutha Malang, Indonesia. Jenengé kawèntar minangka komposer musik instrumental kang nggabungaké antarané unsur-unsur musik tradhisi Indonesia karo musik mancanagara. Tony Prabawa ngayahi jejibahan minangka salah sijiné kurator ing Komunitas Salihara. Awit saka kaprigelané lan prestasiné, Tony nampa saperang pangaji saka mancanagara.^[1] Tony naté urip bebrayan karo juru beksa Rury Avianti saka Surakarta.

Riwayat[besut | besut sumber]

Tony Prabowo lair Kutha Malang, Jawi Wétan, taun 1956. Sinau ngangsu kawruh ngèlmu musik karo komponis Slamet Abdul Sjukur. Minangka komposer, dhèwèké wis asring makarya bareng karo para seniman saka seni teater, filem, jogèd lan sastra. Dongèng Sebelum Tidur (1992) dijiwani saka geguritané Goenawan Mohamad. Pakaryan iki ing taun 1996, digelar ing Jakarta lan Landa. Pakaryan iku uga digelar déning The New Juilliard Ensemble ing Alice Tully Hall, Lincoln Center, New York, Amérikah Sarékat. Autumnal Steps (1996), sawijiné pakaryan orkes pepak, digelar kapisan déning The New Juiliard Ensemble, Orkestra ISI Ngayojakarta, lan ing taun 1997 dimainké déning Seattle Creative Orchestra. Requiem for Strings (1998), dimainké déning Deutsche Kammerphilharmonic Bremen ing Jakarta, lan ing taun 1999 digelar déning Fellows of the Tanglewood Music Center ing Festival of Contemporary Music, Tanglewood. Ing taun 2005, pakaryané, Requiem for Strings digelar déning Den Haag National Orchestra, Landa.^[2]

Pakaryané Tony Prabowo wis asring digelar ing saben adon-adon internasional ing Indonesia, kalebu Art Summit 1998 lan Sacred Rhythm Millennial Percussion Festival di Bali. Saliyané nggawé musik gaya ensemble Kulonan, dhèwèké uga nggawé komposisi kontemporer kang unik bebarengan karo para juru musik padatan Indonesia. Pakaryané tansah digelar déning kelompok musik The New Jakarta Ensemble, salah siji kelompok musik kang didekake taun 1996. Kelompok musik iku wis gelar pakaryan ing Indonesia, Inggris, Amérikah Sarékat, lan uga ngetokaké album CD kapisan, kanti sesirah Commonality.^[3]

Negaramanca kang naté diampiri pakaryané Tony Prabowo antarané Amérikah Sarékat, Eropa, Australia, lan Koréa Kidul. Kaping pisan teka ing Amérikah Sarékat makarya bareng ing pagelaran téater ing New York International of the Arts taun 1998. Awit saka kuwi, dhèwèké asring disuwun makarya bareng déning para musikus nagara Amérika ya iku Karen Williams lan Tom Andrew’s experimental play Blurred Vision (DKJ, Theater for the New City, NYC), Visible Religion makarya bareng Jarrad Powell lan Gamelan Pacifica (Seattle, Minneapolis dan Chicago), Empty Tradition, pakaryan kang kaanggit taun 19888 bareng juru beksa Cina-Amérika, Yin Mèi ing (The Asia Society, NYC and Jacob’s Pillow Dance Festival l0 lan Kali: An Experimental Opera, kang kaangit taun 2000 bareng juru beksa Mary Sheldon, komposer Jarrad Powel lan Goenawan Muhamad (On the Boards, Seattle).^[4][5]

Pakaryan[besut | besut sumber]

• Dongèng Sebelum Tidur (1992),
• Autumnal Steps (1996),
• Requiem for Orchestra (1998)
• The King’s Witch (kaliyan Goenawan Mohamad, 1999),
• Choral Work Meditation on Lu Xun II,
• Kali (kaliyan Goenawan Mohamad),
• Tan Malaka (kaliyan Goenawan Mohamad)

Pangaji[besut | besut sumber]

• Grant saka the Ford Foundation dan the Asian Cultural Council
• Choral Work Meditation on Lu Xun II éntuk bebungah saka adon-adon ing Linz Austria
• Dana hibah saka Yayasan Kelola kanggo saperang proyek lan pakaryane

Uga delengen[besut | besut sumber]

• Komponis
• Genre musik
• Goenawan Mohamad
• Nya Ina Raseuki
• Kroncong Tenggara
• Teater Garasi
• Komunitas Salihara
• Yayasan Kelola

Rujukan[besut | besut sumber]